Аԥсны Жәлар Реизара – Апарламент Аиҳабы Лаша Ашәба Џьансеҭ Казанба лыԥсҭазаара лалҵра инамаданы лыуацәеи лҭынхацәеи дрыдышшылеит.

Адышшылара атекст аҟны иҳәоуп:

« Аԥсны Жәлар Реизара – Апарламент адепутатцәа гәалсра дула иҳадаҳкылеит Шьамтәыла иҟоу аԥсуа диаспора ахаҭарнак, Шьамтәылатәи Арабтә Республика Жәлар рхеилак адепутатс иҟаз, Шьамтәыла Аибашьратә хҭысқәа раан иҭахаз ргәалашәара афонд анапхгаҩы, Аԥсны аҳәынҭқарратә ҳамҭа – «Ахьӡ-Аԥша» аорден III аҩаӡара занашьоу Џьансеҭ Казанба лыԥсҭазаара лалҵра.
Џьансеҭ Казанба - зҭоурыхтә Ԥсадгьыл азы згәы былуаз апатриот иаша лыԥсҭазаара лалҵра цәыӡ дуӡӡоуп дыздыруаз зегьы рзы. Акыр шықәса раахыс лыԥсҭазаара адҳәалан Аԥсны Аҳәынҭқарреи Шьамтәылатәи Арабтә Республикеи рыжәларқәа реимадара. Гәыблыла иаҳгәалашәоит Џьансеҭ  Казанба хаҭала Аԥсны Жәлар Реизара - Апарламент лаҭаара. Апатриот ду лгәалашәара лаша еснагь иҳацзаауеит,
ҳрыдышшылоит лыуацәуеи лҭынхацәеи, рхьаа рыцеиҩаҳшоит».