НОВОСТИ

Аԥсны 1941–1945 шш. Аџьынџьтәылатә еибашьраҟны Аиааира амш азгәарҭоит
09.05.2022
Поделиться в соцсетях:

Аԥсны 1941–1945 шш. Аџьынџьтәылатә еибашьраҟны Аиааира амш азгәарҭоит

Аԥсны Жәлар Реизара – Апарламент Аиҳабы Лаша Ашәбеи Апарламент адепутатцәеи Аҟәа Диоскураа рыԥшаҳәаҟны Идырым асолдаҭ ибаҟа амҵан ашәҭ шьыҵәрақәа рышьҭаҵара ацеремониа иалахәын.

Аџьынџьтәылатә еибашьра дуӡӡаҟны иҭахаз ҳаҭырла иргәаладыршәарц азы арахь иааит Аԥсны Аҳәынҭқарра Ахада Аслан Бжьаниа, Аԥыза-министр Алеқсандр Анқәаб, Аԥсны иҟоу Алада Уаԥстәыла Ареспублика ацҳаражәҳәаҩ Олег Боциев, Аԥсны иҟоу Урыстәыла аусқәа рыҟны аамҭалатәи агәрага Максим Литвинов, Аԥсны иҟоу Приднестровиатәи Молдавиатәи Ареспублика Аофициалтә хаҭарнакра ахада Гарри Кәупалба, Ахада Иадминистрациа Анапхгаҩы Алхас Кәыҵниа, Аҟәа ақ. Администрациа ахада Беслан Ешба, Аиҳабыра алахәцәа, аруаа, ауаажәларра рхаҭарнакцәа, астудентцәеи ашколхәыҷқәеи.

Анаҩс имҩаԥысит амитинги Аԥсны Аҳәынҭқарра Атәылахьчара аминистрра архәҭақәа, Аҳәынҭқарратә шәарҭадара амаҵзура Аҳәаахьчаратә отриад, АҬА, ААР, ААМ, Аҳәынҭқарратә миграциатә маҵзура, аҟәатәи иреиҳаӡоу азеиԥшартә адҵаҟаҵаратә ҵараиурҭа, Аԥсны игылоу 7-тәи урыстәылатәи арратә база, Аԥсны иҟоу УА ААМ Аҳәаахьчаратә усбарҭа аныҳәатә марш ҟаҵаны риасра.

Урҭ инарышьҭаргыланы ииасит «Ԥсра зқәым» аполк иалахәыз рколонна.