Апарламент аҟны Ҭемыр Шергелиа ихантәаҩрала  имҩаԥысит Атәылахьчареи амилаҭтә шәарҭадареи рзы аилак аилатәара.

Аилатәара иалахәын Аԥсны Аҳәынҭқарра Атәылахьчара аминистр Владимир Ануа, уи ихаҭыԥуаҩ Нодар Аҩӡба, аҩныҵҟатәи аусқәа рминистр Вальтер Быҭәба, Аҳәынҭқарратә шәарҭадара ахеилак ахантәаҩы Роберт Киут, Апрокурор хада ихаҭыԥуаҩ Руслан Ҭарба, аҷыдалкаатә ҭагылазаашьақәа рзы аминистр ихаҭыԥуаҩ Тигран Делибалтиан.

Аилатәара иалахәыз алацәажәеит апарламенттә Еилаки Ареспублика азинхьчаратә усбарҭақәеи русеицура азҵаарақәа, ҷыдала, абри аусхк аҟны азакәанԥҵара аиӷьтәра аус.