Апарламент аҟны имҩаԥысит Аҧсны  Жәлар Реизара – Апарламент Лаша Ашәбеи Урыстәылатәи Афедерациа Афедералтә Еизара атәылахьчаразы Аҳәынҭқарратә Дума ахантәаҩы    Андреем Картаполови, аконкуренциа ахьчаразы Аҳәынҭқарратә Дума Аилак алахәҩы Олег Колесникови, иара убас урҭ хаҭарнакра азыруеит Урыстәылатәи Афедерациа Афедералтә Еизара Аҳәынҭқарратә Думеи Аԥсны Жәлар Реизара – Апарламенти реимадаразы адепутаттә гәыԥ. Аҳәынҭдума акоординаторс дыҟоуп Андреи Картаполов.

Аиԥылара иара убас иалахәын Аԥсны Жәлар Реизара – Апарламент Атәылахьчареи амилаҭтә шәарҭадареи рзы аилак ахантәаҩы  Ҭемыр Шергелиа, Аԥсны Жәлар Реизара – Апарламент аҳәынҭқарра-зинтә политиказы аилак алахәҩы Инар Гыцба, Аԥсны Жәлар Реизара – Апарламент Аппарат анапхгаҩы Вадим Бжьаниа.
Адепутатцәа алацәажәеит Аԥсны аекономика аҿиара иадҳәалоу азҵаарақәа. Урҭ рхыԥхьаӡараҟны иҟоуп аԥсны-урыстәылатәи аҳәынҭқарратә ҳәаа ахысра армариаразы азакәанԥҵара аиӷьтәразы алшара, атуристтә усхк, Аԥсны Аҳәынҭқарреи УА рыбжьара аҳаиртә еимадара аиҭахацыркра азҵаарақәа уҳәа уб.егь.  

Аиԥылараҟны иалацәажәан апарламенттә еилакқәа рыҟнытә адепутатцәа русуратә еимадарақәа аҭахны ишыҟоу атәы.
Аиԥылара иалахәыз ирҳәеит ҩ-ганктәи апарламентбжьаратә еимадарақәа аԥхьаҟа рырӷәӷәареи рырҿиареи ишазхиоу, Урыстәылатәи Афедерациа Афедералтә Еизара Аҳәынҭқарратә Дума аимадаразы адепутаттә гәыԥи Аԥсны Жәлар Реизара – Апарламент   Урыстәылатәи Афедерациа Афедералтә Еизара Аҳәынҭқарратә Думеи  аус ацуразы Акомиссиеи русеицура аҳәаа иҭагӡаны. Хара имгакәа Акомиссиа аилазаара ҿыц шьақәыргылахоит.   .