Аԥсны Жәлар Реизара – Апарламент Аиҳабы Лаша Ашәба Аԥсны Аҳәынҭқарраҟны Ауаҩы изинқәа рзы азинмчызмоу Асида Шьаҟрыл дызлахәыз аиԥылара мҩаԥигеит.  

Аԥсны Аомбудсмен Апарламент Аиҳабы иҟны иналгеит Ауаҩы изинқәа рзы азинмчызмоу 2021 шықәсазтәи лусуразы адырранҵа.

«Аԥсны Аҳәынҭқарраҟны  Ауаҩы изинқәа рзы азинмчызмоу изы» азакәан ахәҭаҷ 19 инақәыршәаны, Азинмчызмоу лусуразы адырранҵа Аԥсны Жәлар Реизара – Апарламент ашҟа идәықәылҵоит.

Азинмчызмоу есышықәсатәи лдырранҵа иазыӡырҩраны иҟоуп Аԥсны Жәлар Реизара – Апарламент изаамҭанытәиу асессиа аилатәараҟны.