НОВОСТИ

Апарламент аҟны ишьҭыхуп 1992–1993 шш. Аԥсны Аџьынџьтәылатә еибашьра аветеранцәа рызҵаара
17.05.2022
Поделиться в соцсетях:

Апарламент аҟны ишьҭыхуп 1992–1993 шш. Аԥсны Аџьынџьтәылатә еибашьра аветеранцәа рызҵаара

Аԥсны Жәлар Реизара – Апарламент аҟны имҩаԥысит Аԥсны Аҳәынҭқарра Асоциалтә еиқәыршәареи адемографиатә политикеи рминистр Руслан Аџьбеи аҳәса ветерантә еиҿкаара ахаҭарнакцәеи злахәыз аилатәара.

Аилатәара мҩаԥыргеит Асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи рзы аилак ахантәаҩы Рашида Аибеи Атәылахьчареи амилаҭтә шәарҭадареи рзы аилак ахантәаҩы Ҭемыр Шергелиеи.

Иалацәажәеит 1992–1993 шш. Аԥсны Аџьынџьтәылатә еибашьра аветеранцәа ргәы иҵхо апроблемақәа жәпакы, ҷыдала, урҭ тәанчахәыла реиқәыршәара азҵаара.