Венори Бебиа инапхгарала Апарламент аҟны имҩаԥысит Аԥсны Жәлар Реизара – Апарламент Акультуреи, аҿар русқәеи аспорти рзы аилак инарҭбаау аилатәара.

Аилатәара амш азҵаара аҳәаа иҭагӡаны иахәаԥшын 2021 шықәса ԥхынгәымза 12 рзы актәи аԥхьараан ирыдыркылаз «Аԥсны Аҳәынҭқарраҟны абаҩрҵәыреи аспорти рзы» азакәан азы» Аԥсны Аҳәынҭқарра Азакәан апроект.
Абри азакәан ишьақәнаргылоит Аԥсны Аҳәынҭқарраҟны абаҩрҵәыреи аспорти русхк аҟны аусура азинтәи аиҿкааратәи шьаҭақәа, иҳәаақәнаҵоит абаҩрҵәыреи аспорти ирызку азакәанԥҵара апринцип хадақәа.  
Аилак аилатәара иалахәын Апарламент адепутатцәеи Аԥсны Аҳәынҭқарраҟны абаҩрҵәыреи аспорти рзы аҳәынҭқарратә еилакы ахантәаҩы Џьамал Гәбази.

Аилатәара аихшьалақәа рыла Аилак иаӡбеит ари азакәанапроект аус адулара иацҵатәуп ҳәа.