Иахьа имҩаԥысит Аԥсны Жәлар Реизара-Апарламент Аҳәынҭқарра-зинтә политиказы аилак аилатәара. Уи мҩаԥигеит Аилак ахантәаҩы Дауҭ Хәытаба.

Аилатәара амш азҵаара инақәыршәаны, иалацәажәеит «Адепутатцәа рықәратә ценз азы» Аԥсны Аҳәынҭқарра Аконституциахь арҽеиразы» азакәан апроект.

  Азакәанопроект ала Аԥсны Жәлар Реизара-Апарламент адепутатны аҟалара илшоит 30 шықәса зхыҵыз, алхратә зин змоу Аԥсны Аҳәынҭқарра атәылауаҩ.  

Иара убас ирыхәаԥшит «Аԥсны Жәлар Реизара-Апарламент адепутатцәа ралхразы» Аԥсны Аҳәынҭқарра Аконституциахь арҽеирақәа ирдыҳәалоу азакәанапроектқәа. Арҭ азакәанапроектқәа рыҟны иазгәаҭоуп Аԥсны Жәлар Реизара-Апарламент

адепутатны далхзар алшоит ҳәа иреиҳаӡоу аҵареи хәышықәса иреиҵамкәа аџьашықәси змоу.    
Аилатәара иалахәыз ахәаԥшит Аԥсны Аҳәынҭқарратә миграциатә маҵзура аусура иадҳәалоу азакәанԥҵаратә актқәак рахь аԥсахрақәа.
Аилацәажәара аихшьалақәа рыла Аилак иаднагалеит изхәаԥшу азакәанапроектқәа зегьы Аԥсны Жәлар Реизара-Апарламент асессиа аилатәара актәи аԥхьараан ирыдыркыларц.