Иахьа Аҧсны Жәлар Реизара – Апарламент аҟны имҩаԥысит Аԥсны Жәлар Реизара – Апарламент абиуџьети, акредиттә еиҿкаарақәеи, ашәахтәқәеи, афинансқәеи рзы Аилак инарҭбаау аилатәара. Уи мҩаԥигеит Аилак ахантәаҩы ихаҭыԥуаҩ Дмитри Маршьан.
Аилатәара  иалахәын Апарламент адепутатцәа, Аԥсны Ахада Иадминистрациа аҳәынҭқарра-зинтә напхгарҭа аиҳабы Натела Ломиа, Аконтрольтә палата ахантәаҩы   ихаҭыԥуаҩ Зураб Оҭырба, Арепатриациа афонд анагӡаратә директор Енвер Чамагәуа,   Иахәаԥшын ахәдықәҵара аҳәаақәҵара азҵаара иадҳәалоу «Аԥсны Аҳәынҭқарра Атәылауаҩратә Закәанеидкыла актәии аҩбатәии ахәҭақәа рыҟны аԥсахрақәа ралагаларазы» азакәанапроект.

Наҭела Ломиа ишылҳәаз ала, ахәдықәҵара абанактә усхк изладҳәалоу ала, ари азакәанапроект Аԥсны Абанк иазнархиеит, уи Апарламент аҟны ихаҭарнак Аԥсны Аҳәынҭқарра Ахада иаԥшьигеит.
Аилак алахәцәа ари аԥшьгара иадгылеит, Аарламентгьы иабжьыргеит изаамҭанытәиу асессиа аилатәараҟны ари азакәаннапроект актәи аԥхьараан адкылара.

Аилатәара амш азҵаара инақәыршәаны иахәаԥшит «Астатистикатә усуреи аҳасабеилыргаратә ԥхьаӡареи русхк аҟны Аԥсны Аҳәынҭқарра азакәанапҵаратә актқәак аԥсахрақәа ралагаларазы» азакәанапроект. Уи ықәлыргылеит Кама Гогьиа. Ари азакәанапроект анрыдыркыла, ишьақәыргылахоит аҳәынҭқарратә статистика аусбарҭақәа рахь астатистикатәи аҳасабеилыргаратәи ҳасабырбара анагара аԥҟара; иалагалахоит астатистикатә ҭҵаара – иҳәынҭқарратәым астатистикатә ҭҵаареи уи аҳәаақәҵара аԥҟареи; аҳәынҭқарратә напхгараҭара аусбарҭа хада аҳәынҭстатистика аусхк аҟны иацҵаны азинмчқәа аҭахоит, аҳәынҭқарра иаҵанакуеи иҳәынҭқарратәыми астатистикатә ҭҵаарақәа рзы аметодикатә напхгара рыҭаразыгьы убрахь иналаҵаны.

Азҵаара алацәажәара аихшьала ала аӡыӡба рыдыркылеит азакәанапроект актәи аԥхьараан ирыдыркыларц азы Аԥсны Жәлар Реизара – Апарламент асессиа аилатәарахь ацәыргаразы.   Иара убас Аилак алахәцәа ақәшаҳаҭхеит «Акуртрттә еизгаразы» Аԥсны Аҳәынҭқарра Азакәан амч ацәыӡит ҳәа азхаҵаразы» Аԥсны Аҳәынҭқарра азакәанԥҵаратә актқәак аԥсахрақәа ралагаларазы» азакәан апроект арҽеирақәа жәпакы ралагалара. Азыӡба рыдыркылеит Апарламент иабжьыргарц ари азакәанапроект аҩбатәи аԥхьараан адкыларазы.

Арепатриациа Афонд аусура алацәажәараан аилатәара алахәцәа ахәаԥшит Енвер Чамагәуа Аԥсны Жәлар Реизара – Апарламент асессиа аилатәарахь иааигаз «Аԥсны Аҳәынҭқарра Арепатриациа Афонд 2021 ш. анагӡаразы» азакәан апроект. Аилак азакәанапроект Аԥсны Жәлар Реизара – Апарламент изаамҭанытәиу асессиа аилатәарахь ицәырнагоит актәи аԥхьараан адкыларазы.