Апарламент аҟны имҩаԥысит Венори Бебиа хантәаҩра ззиуаз  Аҧсны Жәлар Реизара – Апарламент Акультуреи, аҿар русқәеи, аспорти рзы аилак инарҭбаау аилатәара.

Аилак амш азҵаараҟны иқәгылан Дырмит Гәлиа Илитература-мемориалтә музеи  атехникатә ҭагылазаашьеи ахархәареи рызҵаара. Ари амузеи администрациа иҟанаҵаз ааԥхьарала 2022 ш. рашәарамза 15 рзы адепутатцәа аҭааны ирбеит.

Амузеи аҟны иҟоу апроблемақәа рыӡбара хықәкыс иҟаҵаны, адепутатцәа азыӡба рыдыркылеит Ахадеи Аԥсны Аҳәынҭқарра Аиҳабыреи адрыԥхьаларц.