Аԥсны Ахада Аслан Бжьаниа напхгара зиҭо аделегациа усуратә визитла Урыстәылатәи Афедерациа Ҭаҭарсҭан Ареспубликаҟны инеит.

Аделегациа иалахәуп  Аԥсны Жәлар Реизара - Апарламент Аиҳабы Лаша Ашәба, атуризм азы аминистр  Ҭемраз Хышба, Очамчыра араион Администрациа ахада Беслан Бигәаа, Гагра араион Администрациа ахада актәи ихаҭыԥуаҩ Адамыр Цәышба, Ахада иабжьгаҩ Григори Ԥлиа.
Казан ақалақь аҟны Аԥсны Аҳәынҭқарреи Урыстәылатәи Афедерациеи рбираҟқәа зхашәыршәыруаз Жәларбжьаратәи аҳаиртә баӷәазаҿы Аԥсны Ахада диԥылеит  Ҭаҭарсҭан Ахада Рустам Минниханов.
Аԥсны Аҳәынҭқарра аделегациа иазԥхьагәанаҭоит Ҭаҭарсҭан аинвестициатә ҿиара амаҵзура, иҳараку атехнологиақәа русхк аҟны атехнопарк «IT-парк», ЗҲӘА «Еидос-Медицина», атехнополис «Химград», Казантәи авертолиоттә зауад аҭаара.

Аԥснытәи аделегациа Ҭаҭарсҭан аусуратә визит мҩаԥысраны иҟоуп ԥхынгәымза 10 инаркны 12-нӡа.