Аԥсадгьыл ахьчаҩцәа ргәалашәара Амш аҽны Аԥсны Жәлар Реизара-Апарламент Аиҳабы Лаша Ашәба Апарламент адепутатцәеи Аҟәа Ахьӡ-Аԥша абаҟеи Алада Ешыра ақыҭан Аԥсны Аҳәынҭқарра Актәи Ахада Владислав Арӡынба ибаҟеи рымҵан ашәҭқәа шьҭарҵеит.

Аусмҩаԥгатә иалахәын Аԥсны Аҳәынҭқарра Ахада Аслан Бжьаниа, Ахада Ихаҭыԥуаҩ Бадра Гәынба, Аԥыза-министр Александр Анқәаб, аиҳабыра алахәцәа, Аԥсны Аҳәынҭқарраҟны иҟоу Урыстәылатәи Афедерациа Аҷыдалкаатәи Азин-мчы змоуи Ацҳаражәҳәаҩ Михаил Шургалин, Аԥсны Аҳәынҭқарраҟны иҟоу Алада Уаԥстәыла Ареспублика Ацҳаражәҳәаҩ Олег Боциев, Аԥсны Аҳәынҭқарраҟны иҟоу Приднестровие Ахаҭарнакра Ахада Гарри Кәупалба, аррамаҵурауаа, аибашьра аветеранцәа. иҭахаз аибашьцәа ранацәа, ауаажәларра ахаҭарнакцәа.