Аҧсны Жәлар Реизара - Апарламент Аиҳабы Лаша Ашәба Приднестровиатәи Молдавиатәи Ареспублика Ахьыԥшымра амш инамаданы ПМА Иреиҳаӡоу ахеилак Ахантәаҩы Александр Коршунов ихьӡала адныҳәалара ҟаиҵеит.

Адныҳәалараҟны иҳәоуп: «Ҳаҭыр зқәу Александр Виктор-иԥа! Приднестровиатәи Молдавиатәи Ареспублика Ахьыԥшымра амш – ҳаамҭазтәи атәыла аҭоурых аҟны акрызҵазкуа рыцхәуп.  

Зхы иақәиҭу аҳәынҭқарра анаԥҵаз инаркны атәылаҟны аҳәынҭқарратәра арӷәӷәареи иалыршоу алҵшәақәа реихаҳареи ирызку аҵак ду змоу аиҭакрақәа акыр мҩаԥысхьеит.  

Аҧсны Жәлар Реизара – Апарламент ахьӡала ПМА Иреиҳаӡоу ахеилак адепутатцәа нашәыдкыланы ишәыдысныҳәалоит Ареспублика амш, ишәзеиӷьасшьоит аҭынчра, аҳәынҭқарратә уснагӡатәқәа рыӡбараҟны аихьӡарақәа.
Сгәы иаанагоит ҳтәылақәа рыбжьара ишьақәгылаз агәреибагареи аиҩызареи ҳреспубликақәа рзакәанԥҵаратә усбарҭақәа русеицура есқьынгьы шьаҭас ирымазаауеит».