Апарламенттә ԥсшьараамҭа хыркәшаны адепутатцәа аусура напы адыркит
Цәыббрамза 7 инаркны Аԥсны Жәлар Реизара – Парламент аԥсшьараамҭа ахыркәшара ашьҭахь аусура иалагеит.

Иахьа цәыббрамза 12 рзы Аԥсны Жәлар Реизара – Парламент Аиҳабы Лаша Ашәба имҩаԥигеит адепутатцәа есымчыбжьатәи реилацәажәара.

Аиԥылараан адепутатцәа ааигәа имҩаԥыргараны иҟоу аусуразы азԥхьагәаҭақәа ирылацәажәеит. Урҭ рыҩныҵҟа иҟоуп ҭагалантәи асессиа аилатәарақәа рыҟны хазы игоу азакәанапроектқәа рыхәаԥшра иадҳәалоу азҵаарақәа.