Имҩаԥысит Акультуреи, аҿар русқәеи, аспорти рзы Аԥсны Жәлар Реизара аилак ахантәаҩы Венори Бебиа имҩаԥигаз аилатәара,
Аилак аилатәара иалахәын Апарламент адепутатцәа, ашьапылампыл асразы Афедерациа ахада     Ҳагба Ҭарашьи ашьапылампыл асразы Афедерациа азиндырҩы Идрис  Ҟара-Осман-оглы.

Аилатәараан Ҳагба Ҭарашь инарҭбааны Афедерациа аусура далацәажәеит. Уи адепутатцәа рыҟны ицәыригеит Афедерациа 2023 ш. аныхтәқәа рхарџьынҵа. Уи аҩныҵҟа иҟоуп Аԥсны Аҳәынҭқарра 30-тәи ачемпионат, Аԥсны Аҳәынҭқарра ахәыҷтәы-қәыԥштә шьапылампылтә лига, Аԥсны Акубок, ахәыҷқәа рыҩныҵҟа Жәларбжьаратәи аицлабра, Аԥсны Аизгатә милаҭтә гәыԥ ахәмарра рымҩаԥгара, аизга гәыԥ азынмаҭәа уҳәа уб.егь.  

Ашьапылампыл асразы Аԥсны Афедерациа алахәцәа ицәырыгаз аныхтәқәа рхарџьынҵа ашьақәырӷәӷәаразы Афинансқәа рминистрраҟны ацхыраара аиуразы иадҵааларц азыӡба рыдыркылеит.