НОВОСТИ

Аҧсны Жәлар Реизара – Апарламент ишьақәнаргылеит Урыстәылатәи Афедерациа Афедералтә Еизара апалатақәа аус рыцуразы акомиссиа аилазаара
19.09.2022
Поделиться в соцсетях:

Аҧсны Жәлар Реизара – Апарламент ишьақәнаргылеит Урыстәылатәи Афедерациа Афедералтә Еизара апалатақәа аус рыцуразы акомиссиа аилазаара

Имҩаԥысит Аҧсны Жәлар Реизара – Апарламент Аиҳабы Лаша Ашәба напхгара ззиуаз ҭагалантәи асессиа изаамҭанытәим аилатәара.  
Ирыхәаԥшит, абжьыҭира алҵшәақәа рыла иагьрыдыркылеит «Аҧсны Жәлар Реизара – Апарламенти Урыстәылатәи Афедерациа Ахеилаки русеицуразы есқьынгьы аус зуа Акомиссиа аилазаарахь Аҧсны Жәлар Реизара – Апарламент адепутатцәа делегатцәас рышьҭразы»; «Аҧсны Жәлар Реизара – Апарламенти Урыстәылатәи Афедерациа Афедералтә Еизара Аҳәынҭқарратә Думеи русеицуразы Акомиссиа аԥҵаразы» Аҧсны Жәлар Реизара – Апарламент ақәҵарақәа.
Акомиссиа аилазаара иалалеит:
1) Аршба Асҭамыр Борис-иԥа (Аҧсны Жәлар Реизара – Апарламенти Урыстәылатәи Афедерациа Афедералтә Еизара Аҳәынҭқарратә Думеи русеицуразы Акомиссиа ахантәаҩы) – Аҧсны Жәлар Реизара – Апарламент Аиҳабы ихаҭыԥуаҩ, Аԥсны Жәлар Реизара-Апарламент Аҳәынҭқарра-зинтә политиказы аилак ахантәаҩы ихаҭыԥуаҩ, Аԥсны Жәлар Реизара-Апарламент абиуџьети, акредиттә еиҿкаарақәеи, ашәахтәқәеи, афинансқәеи рзы аилак алахәҩы;
2) Барцыц Алхас Валико-иԥа (Аҧсны Жәлар Реизара – Апарламенти Урыстәылатәи Афедерациа Ахеилаки русеицуразы Акомиссиа ацхантәаҩы) – Жәларбжьаратәи, апарламентбжьаратәи, аџьынџьуаа рымадаразы аилак ахантәҩы, Абиуџьети, акредиттә еиҿкаарақәеи, ашәахтәқәеи, афинансқәеи рзы аилак алахәҩы;
3) Аиба Рашида Азареҭ-иԥҳа – Аџьеи, агәабзиарахьчареи, адемографиеи, аибашьра аветеранцәеи аинвалидцәеи рзы аилак ахантәаҩы, Аҳәынҭқарра-зинтә политиказы аилак алахәҩы;
4) Ԥачлиа Ахра Гьаргь-иԥа – Жәларбжьаратәи, апарламентбжьаратәи, аџьынџьуаа рымадаразы аилак ахантәаҩы ихаҭыԥуаҩ, Жәларбжьаратәи, апарламентбжьаратәи, аџьынџьуаа рымадаразы аилак алахәҩы;  
5) Ԥлиа Бадрик Игор-иԥа – Аекономикатә политикеи, ареформақәеи, аинформациатә технологиқәеи рзы аилак ахантәаҩы ихаҭыԥуаҩ, Абиуџьети, акредиттә еиҿкаарақәеи, ашәахтәқәеи, афинансқәеи рзы аилак алахәҩы;
6) Лакербаиа Леонид Иван-иԥа – Асоциалтә политикеи, аџьеи, агәабзиарахьчареи, адемографиеи, аибашьра аветеранцәеи аинвалидцәеи рзы аилак алахәҩы, Абиуџьети, акредиттә еиҿкаарақәеи, ашәахтәқәеи, афинансқәеи рзы аилак алахәҩы;  
7) Ҳаразиа Адгәыр Рафеҭ-иԥа – Аԥсны Жәлар Реизара-Апарламент Аҳәынҭқарра-зинтә политиказы аилак алахәҩы, Атәылахьчареи амилаҭтә шәарҭадареи рзы аилак алахәҩы;
8) Кәарчиа Кан Валери-иԥа – Аҳәынҭқарра-зинтә политиказы аилак алахәҩы, Атәылахьчареи амилаҭтә шәарҭадареи рзы аилак алахәҩы, Абиуџьети, акредиттә еиҿкаарақәеи, ашәахтәқәеи, афинансқәеи рзы аилак алахәҩы;
9) Гәулариа Алиса Заур-иԥҳа – Жәларбжьаратәи, апарламентбжьаратәи, аџьынџьуаа рымадаразы аилак алахәҩы, Аҳәынҭқарра-зинтә политиказы аилак алахәҩы;
10) Гыцба Инар Альберт-иԥа – Аҳәынҭқарра-зинтә политиказы аилак алахәҩы, Аҵареи, аҭҵаарадырреи, абызшәатә политикеи, адини, АИХ русқәеи рзы аилак алахәҩы;  
11) Емырхәба Беслан Инвер-иԥа – Атәылахьчареи амилаҭтә шәарҭадареи рзы аилак ахантәаҩы ихаҭыԥуаҩ, Аҳәынҭқарра-зинтә политиказы аилак алахәҩы;
12) Каҷараа Герман Виачеслав-иԥа – Аекономикатә политикеи, ареформақәеи, аинформациатә технологиқәеи рзы аилак  алахәҩы, Акультуреи, аҿар русқәеи, аспорти рзы аилак алахәҩы;
Иазгәаҳҭап, Аԥсны Аҳәынҭқарреи Урыстәылатәи Афедерациеи рпарламентбжьаратә усеицура зиндырратә шьаҭас ишамоу Аԥсны Аҳәынҭқарреи Урыстәылатәи Афедерациеи ирыбжьоу Аиҩызареи, аусеицуреи, аицхыраареи рзы 2008 ш. цәыббрамза 17 аҟн. Аиқәшаҳаҭра ахәҭаҷ 26.
  Аҧсны Жәлар Реизара – Апарламенти Урыстәылатәи Афедерациа Ахеилаки русеицуразы азеиԥш Комиссиа аԥҵоуп Москва 2008 ш. цәыббрамза 4 рзы изҵаҩу Аҧсны Жәлар Реизара – Апарламенти Урыстәылатәи Афедерациа Афедералтә Еизара Ахеилаки ирыбжьоу Аиқәшаҳаҭра инақәыршәаны.

Акомиссиа аусура ҳәаақәҵоуп 2009 ш. рашәарамза 9 рзы ишьақәырӷәӷәоу иара Аԥҟарала. Акомиссиа шьақәгылоуп аԥсуеи аурыси ганқәа рыла, урҭ аицхантәаҩцәа напхгара арҭоит.