Аҧсны Жәлар Реизара – Апарламент Аиҳабы Лаша Ашәба Алан Алборов Алада Уаԥстәыла Ареспублика Амш идиныҳәалеит.

Адныҳәалараҟны иҳәоуп:

«Ҳаҭыр зқәу Алан Иури-иԥа! Аҧсны Жәлар Реизара – Апарламент ахьӡала ишәыдысныҳәалоит Алада Уаԥстәыла Ареспублика азеиԥшмилаҭтә ныҳәа - Ареспублика амш!
Аҳәынҭқарратә суверенитет анрылаҳәаха анаҩс, Алада Уаԥстәыла Ареспублика зхы иақәиҭу аҳәынҭқарра аҳасабала аибашьра, аҳәынҭқарратә, аекономикатә, асоциалтә реформақәа раамҭа ахганы, амҩа хьанҭа ианысит.
Аладауаԥстәылатәи ажәлар ахатәҳәаақәҵаразы ирымоу азин нанагӡеит. Ахатәы лшарақәа рхархәарала, Урыстәылатәи Афедерациеи егьырҭ атәылақәа рыҟнытә Ареспублика аҩызцәеи иҟарҵаз адгыларала шьаҿа ӷәӷәала ԥхьаҟа ацара иаҿуп.  
Аиашьареи аицхыраареи рытрадициақәа шьаҭас ирымоуп Аԥсны Аҳәынҭқарреи Алада Уаԥстәылеи рыжәларқәа реизыҟазаашьақәа.
Ҳара агәра ҳгоит апарламентбжьаратә усеицура ҳреспубликақәа аԥхьаҟатәи русеицура ишацхраало.
Апарламентгьы Алада Уаԥстәыла Ареспубликагьы ирзеиӷьасшьоит аҭынчра, аизҳазыӷьара!»