Цәыббрамза 27 рзы, Аҟәа ахақәиҭтәра амш 29 шықәса ахыҵра аҽны Аԥсны Жәлар Реизара – Апарламент Аиҳабы Лаша Ашәбеи Апарламент адепутатцәеи Аџьынџьтәылатә еибашьраҟны  иҭахаз рбаҟа амҵан Ахьӡ-Аҧша апарк аҟны ашәҭшьыҵәрақәа шьҭеиҵеит.

Ашәҭшьҭаҵара иазкыз аусмҩаҧгатә иалахәын Аԥсны Ахада Аслан Бжьаниа, Ахада  Ихаҭыҧуаҩ  Бадра Гәынба,  Аҧыза-министр Александр  Анқәаб, Аиҳабыра ахаҭарнакцәа, Аҧсны иҟоу УА Ацҳаражәҳәаҩ Михаил Шургалин, Аҧсны иҟоу Алада Уаҧстәыла  Ацҳаражәҳәаҩ  Олег Боциев, аибашьра аветеранцәа, иҭахаз аибашьцәа ранацәа, ауаажәларра ахаҭарнакцәа, ашколхәыҷқәа.