Аԥсны Аҳәынҭқарраҟны официалтә визитлы иҟаз УА Афедералтә Еизара Аҳәынҭқарратә Дума Ахантәаҩы Виачеслав Володин напхгара зиҭоз аделегациа иахьа Москваҟа ихынҳәит.

В.Г. Арӡынба ихьӡ зху Аҟәатәи аҳаиртә баӷәазаҟны аделегациа наскьаргеит Аԥсны Ахада Аслан Бжаниа, Аԥыза-министр Александр Анқәаб, Аԥсны Жәлар Реизара – Апарламент Аиҳабы Лаша Ашәба, Аԥсны Ахада Иадминистрациа Анапхгаҩы Џьансыхә Нанба;  Апарламент Аиҳабы ихаҭыԥуаа Фазлыбеи Аҩӡба, Асҭамыр Аршба, Ашот Миносиан, Апарламент адепутатцәа, Аԥсны Аҳәынҭқарраҟны иҟоу УА Аҷыдалкаатәи Азинмчи змоу Ацҳаражәҳәаҩ Михаил Шургалин.

Аԥсны Аҳәынҭқарраҟны официалтә визитлы иҟаз УА Афедералтә Еизара Аҳәынҭқарратә Дума аделегациа апрограмма инақәыршәаны имҩаԥысит Аԥсны Ахада Аслан Бжаниеи Аԥсны Жәлар Реизара – Апарламент Аиҳабы Лаша Ашәбеи Аҳәынҭқарратә Дума Ахантәаҩы Виачеслав Володини реиԥылара.

Иара убас имҩаԥысит Апарламент адепутатцәеи Аҳәынҭқарратә Дума аделегациеи реиԥылара, уи ахыркәшараан иаҵаҩын Аԥсны Жәлар Реизара – Апарламенти УА Афедералтә Еизара Аҳәынҭқарратә Думеи ирыбжьарҵаз Аиқәшаҳаҭра.