Аԥсны Жәлар Реизара – Апарламент Аиҳабы Лаша Ашәба Аҟәа ақалақь Администрациа ахада Беслан Ешба ииубилеитә шықәсхыҵра идиныҳәалеит.  

Ҳаҭыр зқәу Беслан Фиодор-иԥа!

Аԥсны Жәлар Реизара – Апарламент ахьӡала гәык-ԥсык ала ишәыдысныҳәалоит аиубилеитә ныҳәа - 55 шықәса шәхыҵра амш.

Гәацԥыҳәарала, ааԥсарада имҩаԥыжәго аусура, шәыпрофессионализм ҳтәыла гәакьа аизҳазыӷьара иазкуп, ари аҳаҭыр ду шәаԥсаны шәҟанаҵеит, ахәшьара ҳаракгьы иаԥсоуп.

  Иахьа Шәара шәнапхгарала ҳаҳҭнықалақь асоциалтә-економикатә ҿиара, уи аизҳазыӷьара, аиашьара зуа ақалақьқәа аус рыцура арӷәӷәара иазку алшарақәа рыцҵара мҩаԥысуеит.



Аԥсны Жәлар Реизара – Апарламент адепутатцәа Аҟәа ақалақь Администрациа Ахада иаҳасабала шәҿаԥхьа иқәгылоу ауснагӡатәқәа қәҿиарала рыӡбара аус аҟны ацхыраара иазхиоуп.

  Агәра ганы ҳаҟоуп урҭ рахьтә жәпакы ҳаидгыларала рыӡбара шалыршахо.  

Беслан Фиодор-иԥа, ишәзеиӷьасӷьоит агәабзиара, аихьӡарақәа шәнапы злаку аус аҟны, ишәзааигәоу, шәҩызцәа рганахьала аилибакаара, адгылара.