Аԥсны Жәлар Реизара – Апарламент Аиҳабы Лаша Ашәба Приднестровиатәи Молдавиатәи Ареспублика Иреиҳаӡоу Асовет Ахантәаҩы Александр Коршунов Приднестровиатәи Молдавиатәи Ареспублика Аконституциа амш идиныҳәалеит.  

«Ҳаҭыр зқәу Александр Виктор-иԥа, Аԥсны Жәлар Реизара – Апарламент ахьӡала ишәыдысныҳәалоит Приднестровиатәи Молдавиатәи Ареспублика Аконституциа амш.

Приднестровиатәи Молдавиатәи Ареспублика Аконституциа аҳәынҭқарра аполитикатә, азинтә, аекономикатә система ҳәаақәнаҵоит, милаҭрацәала еилоу Приднестровиа ажәлар рҿаԥхьа иқәгылоу ауснагӡатәқәа рыӡбара алнаршоит.

Приднестровиатәи Молдавиатәи Ареспублика Иреиҳаӡоу Асовет аусура приднестровиатәи азакәанԥҵара аҿиара иацхраауеит. Ҳара агәра ҳгоит ишьақәгылаз апарламентбжьаратә еизыҟазаашьақәа Аԥсны Аҳәынҭқарреи Приднестровиатәи Молдавиатәи Ареспубликеи рыбжьара аԥхьаҟатәи аусеицура ишацхраауазы.

Ҳаҭыр зқәу Александр Виктор-иԥа! Шәаргьы Иреиҳаӡоу асовет адепутатцәагьы, Приднестровиа атәылауаа зегьы ишәзеиӷьасшьоит аихьӡарақәа дасу инапы злаку аусқәа рыҟны, аҭынчра!».