Имҩаԥысит Аԥсны Жәлар Реизара-Апарламент Аиҳабы Лаша Ашәба хантәаҩра ззиуаз адепутатцәа есымчыбжьатәи реилацәажәара.

Аусураан адепутатцәа азыӡба рыдыркылеит аилацәажәара Апарламент асессиа аформат ахь ииаганы, азакәан апроектқәа: «1992–1993 шш. Аԥсны Аџьынџьтәылатә еибашьра аинвалидцәа Иҳәынҭқарратәу ибиуџьеттәым рфонд 2022 шықәсазтәи абиуџьет азы», «Аԥсны Аҳәынҭқарра Атәанчаратә фонд 2022 шықәсазтәи абиуџьет азы Аԥсны Аҳәынҭқарра Азакәан аԥсахрақәа ралагаларазы».

Азакәанапроектқәа адепутатцәа рыҟны ицәырыгеитарҭ афондқәа рнапхгаҩцәа Дырмит Ҭарбеи Денис Гәлариеи. Абжьыҭира алҵшәақәа рыла азакәанапроектқәа аҵыхәтәантәи аԥхьараан ирыдыркылеит.
Иара убас аилацәажәараан имҩаԥысит «2023 шықәсазтәи ареспубликатә биуџьет азы» Аԥсны Аҳәынҭқарра азакәани Апарламент аиҿкааратә усуреи ирыдҳәалаз азҵаарақәа рылацәажәара