НОВОСТИ

Аԥсны Жәлар Реизара Аиҳабы Лаша Ашәба апарламентқәа рнапхгаҩцәа 2023-тәи ашықәс ҿыц рыдиныҳәалеит
30.12.2022
Поделиться в соцсетях:

Аԥсны Жәлар Реизара Аиҳабы Лаша Ашәба апарламентқәа рнапхгаҩцәа 2023-тәи ашықәс ҿыц рыдиныҳәалеит

Аԥсны Жәлар Реизара Аиҳабы Лаша Ашәба иколлегацәа ашықәсҿыцазтәи аныҳәақәа рыдиныҳәалеит

Адныҳәаларатә цҳамҭақәа ишьҭит Алада Уаԥстәыла Ареспублика Апарламент Аиҳабы Алан Алборов ихьӡала, Арцах Ареспублика Амилаҭтә еизара Ахантәаҩы  Артур Товмасиан, Приднестровиатәи Молдавиатәи Ареспублика Иреиҳаӡоу Асовет Ахантәаҩы Александр Коршунов, Аидгылара «Адемократиеи ажәларқәа рзинқәеи» аҳәынҭқаррақәа - алахәцәа р-Парламентбжьаратә Ассамблеиа Амаӡаныҟәгаҩ Хада Григори Маракуца.
Лаша Ашәба иҟаиҵаз адныҳәаларақәа рыҟны иҳәеит аԥхьаҟатәи аусеицура дшазхиоу, арҭ ареспубликақәа рпарламентарии рыжәларқәеи ирзеиӷьеишьеит агәабзиара, аихьӡарақәа, аизҳазыӷьара.

Аԥсны Жәлар Реизара Аиҳабы Лаша Ашәба адныҳәаларатә цҳамҭақәеи азеиӷьашьарқәеи ишьҭит Никарагуа  Ареспублика Амилаҭтә Ассамблеиа Ахантәаҩы Густав Едуардо Поррас Кортес, Боливариантәи Ареспублика Венесуела Амилаҭтә Ассамблеиа Ахантәаҩы Хорхе Хесуес Родригес Гомес, Шьамтәылатәи Арабтә Республика Жәлартә Совет Ахантәаҩы Ҳаммуд Иуссеф Саббагу, Беларус Ареспублика Амилаҭтә Еизара Апалата Ахаҭарнакцәа рхантәаҩы Владимир Андреиченко, Беларус Ареспублика Амилаҭтә Еизара Ареспублика Асовет Ахантәаҩы Наталиа Кочанова рыхьӡала.

Аԥсны Жәлар Реизара Аиҳабы иара убас иааиуа ашықәсҿыцазтәи аныҳәақәа рыдиныҳәалеит Шьамтәылатәи Арабтә Республика аҳәаанырцә иҟоу аџьынџьуаа русқәеи адәныҟатәи аусқәеи рминистр Феисал аль-Микдадеи Боливариантәи Ареспубликаҟны иҟоу Аҷыдалкаатәии Азинмчы змоуи Аԥсны Аҳәынҭқарра Ацҳаражәҳәаҩ Заур Ӷәаџьааи.