Аԥсны Жәлар Реизара – Апарламент Аиҳабы Лаша Ашәба иахьа Апарламент афбатәи ааԥхьара адепутатцәа, аексперттә фонд «Аамҭа» ахаҭарнакцәа Натали Смыри Алхас Џьынџьали дырԥылеит.
  
Аиԥылара иалахәын Апарламент Аиҳабы ихаҭыԥуаҩ Асҭамыр Аршба, аҳәынҭқарра-зинтә политиказы аилак ахантәаҩы ихаҭыԥуаҩ Алхас Ҳагба, ари Аилак алахәҩы Инар Гыцба.

Аиԥылараҟны иалацәажәеит Аԥсны Аҳәынҭқарреи Аҩадатәи Кавказ ареспубликақәеи реизыҟазаашьа арҿиара иацхраауа аԥшьгарақәа жәпакы. Аиԥылара иалахәыз иазгәарҭеит иқәгылоу ауснагӡатәқәа рыӡбареи рынагӡареи рзы мҩақәас иҟоу.