Имҩаԥысит Лаша Ашәба хантәаҩра ззиуаз Аԥсны Жәлар Реизара – Апарламент ааԥынтәи асессиа актәи аилатәара.

Ирыхәаԥшит иагьрыдыркылеит аҵыхәтәантәи аԥхьараан Аԥсны аҳәынҭқарра азакәанқәа:  

«Аԥсны Аҳәынҭқарра ақыҭанхамҩазы;.
«Агеодезиатәии ахсаалааҩыратәи усуреи анаӡааӡаратә рбагақәеи рзы»;
«Аԥсны Аҳәынҭқарра азакәанԥҵаратә актқәак аԥсахрақәа ралагаларазы».
Ажәахәҟаҵаҩ –Аԥсны Жәлар Реизара-Апарламент Аграртә политикеи, аҧсабаратә лшарақәеи, аекологиеи рзы аилак ахантәаҩы Ҭемыр Беиа.

«Аԥсны Аҳәынҭқарра административтә-дгьылҵакыратә акрақәа рыҟны напхгараҟаҵаразы» Аԥсны Аҳәынҭқарра Азакәан аԥсахрақәа ралагаларазы».
Ажәахәҟаҵаҩ – Аԥсны Жәлар Реизара-Апарламент абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы ихаҭыԥуаҩ Дмитри Маршьан.

«Аелектронтә напынҵамҭазы» Аԥсны Аҳәынҭқарра Азакәан аԥсахрақәа ралагаларазы» иара убас «Абанктә системаҟны аелектронтә напынҵамҭазы Аԥсны Аҳәынҭқарра Азакәан амч ацәыӡит ҳәа аԥхьаӡареи рзы».
«Аԥсны Аҳәынҭқарра Арепатриациа афонд 2-23 шықәсазтәи абиуџьет азы» Аԥсны Аҳәынҭқарра Азакәан аԥсахрақәа ралагаларазы».  
Ажәахәҟаҵаҩ – Аԥсны Жәлар Реизара-Апарламент абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Беслан Ҳалуашь.
  
Ирыхәаԥшит иагьрыдыркылеит актәи аԥхьараан Аԥсны аҳәынҭқарра азакәанапроект:  
«Амҩатә ныҟәарақәа русхк аҟны административтә зинеилагарақәа рыҟаҵаразы аҭакԥхықәра арӷәӷәара ахәҭаҟны Аԥсны Аҳәынҭқарра азакәанԥҵаратә актқәак аԥсахрақәа ралагаларазы».
Ажәахәҟаҵаҩ – Апарламент аҟны иҟоу Аԥсны Аҳәынҭқарра Ахада ихаҭарнак аиустициа аминистр Анри Барцыц.
  
Иахәаԥшит, аха абжьыҭара алҵшәақәа рыла ирыдрымкылаӡеит:  
«Аҳәынҭқарратә шәарҭадаразы аусбарҭақәа рзы» Аԥсны Аҳәынҭқарра Азакәан аԥсахрақәа ралагаларазы».
Ажәахәҟаҵаҩ – Апарламент аҟны иҟоу Аԥсны Аҳәынҭқарра Ахада ихаҭарнак аиустициа аминистр Анри Барцыц.
  
Ирыхәаԥшит иагьрыдыркылеит Аҧсны Жәлар Реизара – Апарламент ақәҵарақәа:

«Акаба А. Д.  Аԥсны Аҳәынҭқарра аӡбаҩцәа р-Квалификациатә коллегиахь иалхразы»
«Ҳагба А.Е  Аԥсны Аҳәынҭқарра аӡбаҩцәа р-Квалификациатә коллегиахь иалхразы»  
Ажәахәҟаҵаҩ – Аԥсны Жәлар Реизара-Апарламент Аҳәынҭқарра-зинтә политиказы аилак ахантәаҩы Дауҭ Хәытаба.    

  «Р. Ш. Папба Аԥсны Аҳәынҭқарра Аконтрольтә палата аудитор имаҵурахьы иаҭаразы».
Ажәахәҟаҵаҩ – Аԥсны Жәлар Реизара-Апарламент абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Беслан Ҳалуашь.  

«Аԥсны Жәлар Реизара – Апарламент аилакқәа хаҭалатәии хыԥхьаӡаралатәии аилазаара ашьақәыргыларазы».
«Аԥсны Жәлар Реизара – Апарламент аилакқәа хаҭалатәии хыԥхьаӡаралатәии аилазаара ашьақәыргыларазы».
«Никарагуа Ареспублика Амилаҭтә ассамблеиа амадаразы Аҧсны Жәлар Реизара – Апарламент адепутатә гәыԥ аԥҵаразы».
Ажәахәҟаҵаҩ – Аԥсны Жәлар Реизара – Апарламент Аиҳабы Лаша Ашәба.  
            
«Аԥсны Аҳәынҭқарра Аминистрцәа реилазаара Гәдоуҭа араион Хыԥсҭа ақыҭан 0,92 га адгьыл ҭыҧ «ақыҭанхамҩатә ҵакы змоу адгьылқәа» ркатегориаҟнытә «аиҭашьақәыргыларатә ҵакы змоу адгьылқәа» ркатегориахь аиагаразы аҭара ақәиҭтәразы», иара убас Аԥсны Аҳәынҭқарра Аминистрцәа реилазаара Бабышьыра ақыҭан, Уарчатәи 1-тәи амҩаҟны 2, 08 га адгьыл ҭыҧ «амшынҿықәтәи адгьылқәа ркатегориаҟнытә зҭакԥхықәра ԥку ауаажәларра «Водстоун С. А.» есқьынагьтәи ахархәаразы аҭара ақәиҭтәразы».                                                                    
Гагра араион аҟны, Бзыԥҭа аҳ. Ешба имҩаҟны 0,40 га зҵазкуа адгьыл ҭыԥ 25 шықәса ҿҳәарас иаҭаны қьырала зҭакԥхықәра ԥку ауаажәларра «Ахәаахәҭра ҩны Рубин» ахәаахәҭра ҩны аргыларазы аҭара ақәиҭтәразы».
Ажәахәҟаҵаҩ – Аԥсны Жәлар Реизара-Апарламент Аграртә политикеи, аҧсабаратә лшарақәеи, аекологиеи рзы аилак ахантәаҩы Ҭемыр Беиа..

Ирыхәаԥшын, аха маӡалатәи абжьыҭарала ирыдрымкылаӡеит ԥсны Жәлар Реизара-Апарламент ақәҵарақәа:
«Аиба Б. Е. Аԥсны Аҳәынҭқарра Аконтрольтә палата ахантәаҩыс иаҭаразы».
«Аргун А. С. Аԥсны Аҳәынҭқарра Аконтрольтә палата ахантәаҩыс иаҭаразы».
Ажәахәҟаҵаҩ – Аԥсны Жәлар Реизара-Апарламент абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Беслан Ҳалуашь.