Аԥсны Жәлар Реизара - Апарламент адепутатцәа 1992-1993 шш. Аԥсны Аџьынџьтәылатә еибашьраҟны иҭахаз рбаҟа амҵан ашәҭқәа шьҭарҵеит. Ари аусмҩаԥгатә1992-1993 шш. Аԥсны Аџьынџьтәылатә еибашьраҟны Марттәи ажәылараан иҭахаз аибашьцәа ргәалашәара иазкын.

Ашәҭшьҭаҵара ацеремониа иалахәын Ахада ихаҭыҧуаҩ Бадра Гәынба, Аԥыза-министр Алеқсандр Анқәаб, Ахада Иадминистрациа Анапхгаҩы Џьансыхә Нанба, Аҧсны иҟоу Урыстәыла Ацҳаражәҳәаҩ Михаил Шургалин, аибашьра аветеранцәа, Аиҳабыра, ауаажәларра рхаҭарнакцәа.