Иахьа Аҟәа иаатит Актәи Жәларбжьаратәи аҵараиуратә-туристтә форум «Алаԥшҳәаақәа - 2023»
Аусура иалагеит хымш рыҩныҵҟа имҩаԥысуа Актәи Жәларбжьаратәи аҵараиуратә-туристтә форум «Алаԥшҳәаақәа - 2023». Афорум далахәуп Аԥсны Жәлар Реизара – Апарламент Аиҳабы Ашәба Лаша.  Хықәкыс иамоуп Аԥсни Урыстәылеи ртуристтә ҵараиуратә хырхарҭа ахаҭарнакцәа реиҿцаара. Афорум атема хадақәа ируакуп ахәыҷтәы еиҭныԥсахларатә туризм арҿыхара
Афорум аартра иалахәын афинансқәа рминистр
Владимир Делба, аҵара аминистр Инал  Габлиа, Аԥсны иҟоу УА Ацҳаражәҳәаҩ Михаил Шургалин, Аԥсны иҟоу Урыстәылаусацзура Ахаҭарнакра анапхгаҩы Дмитри Федотов, Аԥсны иҟоу УА ахәаахәҭратә хаҭарнак Залина Кобесова.

Афорум ахь иааԥхьоу асас дахьқәа рхыԥхьаӡараҟны иҟоуп   – Аԥсны иҟоу Урыстәылаусацзура анапхгаҩы ихаҭыԥуаҩ Дмитри Поликанов, Башкортостан Ареспублика аҵареи аҭҵаарадырреи рминистр Аибулат Хажин, урыстәылазеиԥштә уаажәларратә хәыҷтәы-қәыԥштә еиҿкаара   «Аныҟәара аинспектор қәыԥшцәа» ахантәаҩы Валентина Кульбицкаиа, урыстәылатәи атуристтә еилахәыра дуқәа рнапхгаҩцәа.
Аусура аихшьалақәа рыла Афорум алахәцәа аҵараиуратә амшахәаԥштә азеиԥш проектқәа ралагаларазы ихадароу ажәалагалақәа зцу арезолиуциа аздырхиоит.
Афорум аҩныҵҟа иазԥхьагәаҭоуп атуризм аусхк аҟны аҳәынҭқаррабжьаратә еиқәшаҳаҭрақәа жәпакы рыҵаҩра.