Урыстәылатәи Афедерациа Ахада иҟны иҟоу Урыстәылатәи жәлар рынхамҩеи аҳәынҭқарратә маҵзуреи ракадемиа апарламентаризми апарламентбжьаратә усеицуреи ркафедра аиҳабы, апрофессор Валери Бакушев иҟаиҵаз ааԥхьарала Аԥсны Жәлар Реиазара-Апарламент Аиҳабы ихаҭыԥуаҩ  Асҭамыр Аршба аконференциа «Урыстәыла Апарламент 30 шықәса ахыҵит: иахьатәи аҿиара» далахәын, уи мҩаԥысит авидеоконференциа асеанс арежим ала.  
Аконференциаҟны Асҭамыр Аршба Аԥсны Жәлар Реиазара-Апарламенти УА Афедералтә Еизареи русеицура аҿиара иазкны ажәахә ҟаиҵеит.

Аусмҩаԥгатә иара убас иалахәын УА Афедералтә Еизара апалатақәа, Беларуи Урыстәылеи Реидгыла Апарламенттә Еизара рхаҭарнакцәа, УА асубиектқәа жәпакы рзакәанԥҵаратә еизарақәа рдепутатцәа, аекспертцәа, арҵаҩцәа, аушьҭымҭаҩцәа-амагистрантцәа, апрограмма «Апарламенттә усуреи апарламентбжьаратә усеицура алыршара», Урыстәыла арегионқәа рыҟнытә on-line – алахәцәа, жәларбжьаратәи аекспертцәа, апарламентқәа рдепутатцәа.

Аконференциаҟны ирылацәажәеит абарҭ азҵаарақәеи апроблемақәеи:
– «Иахьатәи апарламент 30 шықәса ахыҵит УА Афедералтә Еизара Аапалатақәа рыҿиараҟны»;
– «Адунеитә шьақәгылашьа арҿыцраҟны иахьатәи апарламентқәа рроль: апарламенттә шәага-зага ароль аизҳара ҵакыс иамои?»;
– «Апарламентаризм аиӷьтәраҟны амилаҭтә иурисдикциа азхьаԥшра (Еизаку Мраҭашәара Урыстәыла аҿагылара апроблема аӡбара)»; «УА Афедералтә Еизара арегионтә закәанԥҵара аԥсахраҟны, амчхара арегионтә закәанԥҵара (УА Аконституциаҟны «2020» аԥсахра ашьҭахь) аҳаҭыр ашьҭыхраҟны инанагӡо ароль;
– «Аҿартә парламентаризм алшара аҿиара: аҿар аволонтиорра, ахәыҷтәи аҭаацәаратәи туризм, апарламентари ҿарацәа рпарламентбжьаратә усеицура ирызку азакәанԥҵара аҿиара».