Аԥсны Жәлар Реизара – Апарламент Аиҳабы Ашәба Лаша УА Аҳәынҭқарратә Дума адепутат, УА  Аҳәынҭқарратә Дума амилаҭқәа русқәа рзы аилак алахәҩы Анастасиа Удальцова дидикылеит.

Аиԥылара иалахәын  Аԥсны Жәлар Реизара – Апарламент аилакқәа рхантәаҩцәа   Венори Бебиеи Рашида Аибеи, иара убас Апарламента Аппарат анапхгаҩы Вадим Бжьаниа.

Адепутатцәа иактуалтәу атемақәа жәпакы ирылацәажәеит. Урҭ рыҩныҵҟа иҟоуп аԥсны-урыстәылатәи аҳәаа ахысра иадҳәалоу апроблема, атуристтә усхк, АА-еи Урыстәылеи рыбжьара авиеимадара аԥеиԥш иадҳәалоу ахырхарҭақәа,иара убас азакәанрхиаратә усура иазку хазы игоу азҵаарақәа.
Иазааҭгылеит иара убас Аԥсны Жәлар Реизара – Апарламенти УА Афедералтә Еизара Аҳәынҭқарратә Думеи русеицуразы акомиссиа аусура.

Аиԥылара иалахәыз ҩ-ганктәи апарламентбжьаратә еимадарақәа аԥхьаҟагьы рырӷәӷәара ишазхиоу атәы рҳәеит.