Имҩаԥысит Аԥсны Жәлар Реизара - Апарламент Аиҳабы Ашәба Лаша напхгара ззиуаз асессиа аилатәара.
  
Ирыхәаԥшит, аҵыхәтәантәи аԥхьараан ирыдыркылеит Аԥсны Аҳәынҭқарра азакәанқәа:  «Аԥсны    Аҳәынҭкааратә шәарҭадара амаҵзура» аусзуҩцәа руалафахәқәеи ртәанчахәқәеи рышьҭыхразы ахарџьқәа рзы Урыстәылатәи Афедерациа ахарџь ала аԥаразоужьразы аԥҟарақәеи аҭагылазаашьақәеи рзы Аԥсны Аҳәынҭқарреи Урыстәылатәи Афедерациеи ирыбжьоу 2021 шықәса рашәарамза 2 аҟнытә Аиқәшаҳаҭразы Аԥкаанҵа ашьақәырӷәӷәаразы»;
«Аԥсны Аҳәынҭқарреи Урыстәылатәи Афедерациеи ирыбжьоу Аԥсны Аҳәынҭқарра Асоциал-економикатә ҿиаразы аҳәынҭқарратә программа анагӡара ацхрааразы 2022-2025 шықәсқәа нанҳәамза 04 рзы Аиқәшаҳаҭра аԥсахрақәа ралагаларазы Аԥкаанҵа ашьақәырӷәӷәаразы»;
Ажәахәҟаҵаҩ - Аԥсны Жәлар Реизара - Апарламент аҟны иҟоу Аԥсны Ахада Ихаҭарнак, аиустициа аминистр Анри Барцыц.
Иахәаԥшит иагьрыдыркылеит Аԥсны Жәлар Реизара - Апарламент Ақәҵара «Аҳәынҭқарратә маҵзуразы» Азакәан апроект аус адуларазы Аԥсны Жәлар Реизара - Апарламент аусуратә гәыԥ аԥҵаразы».

Ажәахәҟаҵаҩ – Аԥсны Жәлар Реизара- Апарламент адепутат Ерик Рштуни.