Аԥсны Жәлар Реизара – Апарламент Аиҳабы Ашәба Лаша УА Аҳәынҭқарратә Дума адепутат, жәларбжьаратәи аусқәа рзы УА  АД аилак ахантәаҩы ихаҭыԥуаҩ Светлана Журова дызлахәыз аиԥылара мҩаԥигеит.

Аиԥылара иалахәын Аԥсны Жәлар Реизара – Апарламент Аиҳабы ихаҭыԥуаҩ Асҭамыр Аршба, адепутат Асҭамыр Герхьелиа, Апарламент Аппарат анапхгаҩы Вадим Бжьаниа.

Адепутатцәа алацәажәеит Аԥсны Жәлар Реизара – Апарламенти УА Афедералтә Еизара Аҳәынҭқарратә Думеи ирыбжьоу 2022 шықәса ԥхынҷкәынмза 1 азы из аҩу Аиқәшаҳаҭра аҳәаақәа ирҭагӡаны иаԥҵоу Аԥсны Жәлар Реизара – Апарламенти УА Афедералтә Еизара Аҳәынҭқарратә Думеи русеицура иазку Акомиссиа аусура иадҳәалоу иактуалтәу азҵаарақәа жәпакы.

Ирылацәажәеит асоциал-економиатәи агуманитартәи усхкқәа ртемақәа, иара убас азакәанрҿиаратә усура азҵаарақәа.
Аганқәа ирҳәеит инарҭбааны апарламентбжьаратә усеицура ишазхиоу
Аиԥылара мҩаԥысит аиҩызаратә ҟазшьа аманы.