Имҩаԥысит Аԥсны Жәлар Реизара - Апарламент Аиҳабы Ашәба Лаша напхгара ззиуаз асессиа аилатәара.
  
Ирыхәаԥшит, аҵыхәтәантәи аԥхьараан ирыдыркылеит Аԥсны Аҳәынҭқарра азакәанапроектқәа:  
«Административтә зинеилагарақәа рзы Аԥсны Аҳәынҭқарра Азакәанеидкыла аԥсахрақәа ралагаларазы»;
«Аԥсны Аҳәынҭқарра Асоциалтә ԥгаԥсеи аџьа ахьчареи рфонд 2022 шықәсазтәи абиуџьет анагӡаразы »;
««Аҧсны Аҳәынҭқарра Амҩатә фонд 2022 шықәсазтәи абиуџьет анагӡаразы»;
«1992-1993 шш. Аԥсны Аџьынџьтәылатә еибашьра аинвалидцәа Аҳәынҭқарратә биуџьенҭыҵтәи рфонд 2022 шықәсазтәи абиуџьет анагӡаразы»;
«Аԥсны Аҳәынҭқарра Атәанчаратә фонд 2022 шықәсазтәи абиуџьет анагӡаразы »;
«Аԥсны Аҳәынҭқарра ихымԥадатәиу амедицинатә ԥгаԥсара афонд 2022 шықәсазтәи абиуџьет анагӡаразы»;
«Аԥсны Аҳәынҭқарра азакәанԥҵаратә актқәак аԥсахрақәа ралагаларазы»;
«Аԥсны Аҳәынҭқарраҟны аныҳәатәи агәаларшәагатәи мшқәа рзы» Аԥсны Аҳәынҭқарра Азакәан аԥсахрақәа ралагаларазы».
Ирыхәаԥшит, актәи аԥхьараан ирыдыркылеит Аԥсны Аҳәынҭқарра азакәанапроектқәа:  
  «Аԥсны Аҳәынҭқарра жәларбжьаратәи аиқәшаҳаҭрақәа рзы» Аԥсны Аҳәынҭқарра Азакәан аԥсахрақәа ралагаларазы»;
«Аԥсны Аҳәынҭқарра Аҳазалхратә закәанеидкыла» апроект № 1179-VII азы»;
«Аԥсны Аҳәынҭқарра Аҳазалхратә закәанеидкыла аусура аларгаларазы»;
«Аԥсны Аҳәынҭқарра астатистикатә усуразы» Аԥсны Аҳәынҭқарра Азакәан аԥсахрақәа ралагларазы».

Ирыхәаԥшит, иагьрыдыркылеит Аԥсны Жәлар Реизара - Апарламент Ақәҵарақәа:  

«Аԥсны Аҳәынҭқарра Аминистрцәа реилазаара Дранда аҳаблаҟны 0,76 га зҵазкуа адгьыл ҭыҧ «ақыҭанхамҩатә ҵакы змоу адгьылқәа» ркатегориаҟнытә «аиланхарҭатә дгьылқәа» ркатегориахь аиагаразы аҭара ақәиҭтәразы»;
«Аԥсны Аҳәынҭқарра Аминистрцәа реилазаара Гагра араион Маҳадыр ақыҭаҟны, Апартизанцәа рымҩаҿы 0.01 га зҵазкуа адгьыл ҭыҧ Урыстәылатәи Афедерациа Ашәараҭадаразы афедералтә маҵзура Аҳәаахьчаратә маҵзура аӡеизакырҭа аргыларазы аҭаразы»;  
«Аԥсны Аҳәынҭқарра Аминистрцәа реилазаара Гагра араион Ԥсахара ақыҭаҟны 2,50 га зҵазкуа адгьыл ҭыҧ зҭакԥхықәра ԥку ауаажәларра иааиԥмырҟьаӡакәа ахархәаразы рыҭара ақәиҭтәразы»;   «Аԥсны Аҳәынҭқарра Аминистрцәа реилазаара Дранда аҳаблаҟны 1,10 га зҵазкуа адгьыл ҭыҧ «ақыҭанхамҩатә ҵакы змоу адгьылқәа» ркатегориаҟнытә «аиланхарҭатә дгьылқәа» ркатегориахь аиагара ақәиҭтәразы»;
«Аԥсны Аҳәынҭқарра Аминистрцәа реилазаара Пицунда ақ. аҟны 1,0 га зҵазкуа адгьыл ҭыҧ «ақыҭанхамҩатә ҵакы змоу адгьылқәа» ркатегориаҟнытә «аиланхарҭатә дгьылқәа» ркатегориахь аиагара ақәиҭтәразы»;
«Аԥсны Аҳәынҭқарра Аминистрцәа реилазаара ХА Цквитишьвили Л. Р. Очамчыра ақ. Б. Шьынқәба имҩаҟны «амшынҿықәтәи адгьылқәа» ркатегориаҟнытә 1,5 га зҵазкуа адгьыл ҭыԥ 25 шықәса аҿҳәара аҭаны қьырала иҭаразы;
«Аԥсны Аҳәынҭқарра Аминистрцәа реилазаара хаҭалатәи анаплакҩы Ажьиба А.Р. Очамчыра араион Елыр ақыҭаҟны 2,0 га зҵазкуа адгьыл ҭыԥ иааиԥмырҟьаӡакәа ахархәаразы иҭаразы».