Апарламент Аиҳабы Ашәба Лаша напхгара зиҭо Аԥсны Жәлар Реизара - Апарламент аделегациа иахьа аусура иалаго XXVI –тәи Петербургтәи жәларбжьаратәи аекономикатә форум (ПЖӘАФ)  иалахәхоит.
Аделегациа аилаазараҟны иҟоуп: Беслан Ҳалуашь, Алхас Ҳагба, Наур Нарманиа, Алиса Гәулариа.

Петербургтәи жәларбжьаратәи аекономикатә форум мҩаԥысуеит рашәарамза 14 инаркны 17 –нӡа ацәыргақәҵатә зал «Експофорум» аҟны. Уи аекономикеи абизнеси рдунеи аҟны уиникалтәуп, 1997 шы қәса инаркны аполитикцәеи абизнесуааи реицаареи, атехнологиатә стартапқәеи рзы ирызку ҭыԥуп.
2007 шықәса инаркны ПЖӘАФ  мҩаԥысуеит УА Ахада   инапхгареи иалахәреи рыла.

Ари аусмҩаԥгатә иаҭаауеит адунеи акәакьқәа рыҟнытә зықьҩыла ауаа, урҭ рхыԥхьаӡараҟны иҟоуп урыстәылатәии аҳәаанырцәтәии аилахәырақәа, аҳәынҭқаррақәа рхадацәеи аполитикатә ԥхьагылаҩцәеи, аиҳабырақәа рхантәаҩцәа, аԥыза-министрцәа, аминистрцәа, агубернаторцәа. Аԥсны Аҳәынҭқарра аделегациагьы изнынкымкәа Афорум аусмҩаԥгатәқәа ирылахәхахьеит.

Сынтәа афорум мҩаԥысуеит алозунг «Исуверентәу аҿиара – адунеи иаша шьаҭас иамоуп. Аԥхьаҟатәи абиԥарақәа рыхьӡала ҳҽеидаҳкылап». ПЖӘАФ аустә программа дууп, уи шьақәгылоуп 150 сессиа инареиҳаны, аԥышәеимдарақәа, аустә еиԥыларақәа рыла.

Адискуссиақәа рылахәцәа алацәажәоит ҳазҭагылоу аамҭазы урыстәылатәи аекономка аҿиара, УА атехнологиатә суверенитет, социальные приоритеты аҩныҵҟатәи аполитика асоциалтә хырхарҭа хадақәа, аџьа аџьармыкьеи уи иацу ашәарҭарақәеи, иара убас аглобалтә еиҭакрақәа раан адунеитә економикаҟны иҟоу аҭагылазаашьа.