Аԥсны Жәлар Реизара - Апарламент ахаҭарнакцәа ИАР Жәларбжьаратәи апарламенттә форум «Пушкин иԥхьарақәа» иалахәуп.

Амилаҭтә еиҿцаара абызшәа аҳасабала Аурыс бызшәа ашықәс иазку ИАР Жәларбжьаратәи апарламенттә форум «Пушкин иԥхьарақәа» мҩаԥысуеит Москва, Аидгылара аҩнаҟны. Еиуеиԥшым атәылақәа рпарламентқәа хаҭарнакра ззыруа адепутатцәа амилаҭтә ҳәынҭқарратә бызшәатә политика иалацәажәеит, аурыс бызшәа адгылара иазку ауснагӡатәқәа ирыхцәажәеит.

Аԥсны Жәлар Реизара - Апарламент хаҭарнакра азыруан:
Аҵареи, абызшәатә политикеи, адини, АИХ аусқәа рзи аилак ахантәаҩы Инар Саӡба,
Аҵареи, абызшәатә политикеи, адини, АИХ аусқәа рзи аилак ахантәаҩы ихаҭыԥуаҩ
Левон Галустиан, аҵара аминистр Инал Габлиа, Апарламент Аппарат Анапхгаҩы Вадим Бжьаниа.

ИАР Жәларбжьаратәи апарламенттә форум «Пушкин иԥхьарақәа» аилатәара аиҿкааҩыс  иқәгылеит  ИАР аусқәа рзы,  евразиатәи аинтеграциеи аџьынџьуаа рымадареи рзы Аҳәынҭқарратә Дума Аилак.
Жәларбжьаратәи апарламенттә форум апленартә еилатәара ааиртит Аҳәынҭқарратә Дума  Ахантәаҩы Леонид Калашников.
Аԥсны Жәлар Реизара аҟнытә аилатәараҟны ажәахә ҟаиҵеит аделегациа анапхгаҩы Инар Саӡба.

Москва аҟазаара апрограмма инақәыршәаны Апарламент аделегациеи Афорум егьырҭ алахәцәеи Александр ихьӡ зху абаҳчаҟны Кремльтәи аҭӡы амҵан Идырым Асолдаҭ ибаҟаҟны ашәҭшьыҵәрақәа шьҭарҵеит.
Иара убас иахьа «Пушкин иԥхьарақәа» ирыцҵан А. С. Пушкин ихьӡ зху Аурыс бызшәа аҳәынҭқарратә институт аҟны. Ара «Аԥсны Аҳәынҭқарра аҵара асистемаҟны аурыс бызшәа ароль» захьӡыз ажәахә ҟаиҵеит АА аҵара аминистр Инал Габлиа.