Иахьа Аԥсны Жәлар Реизара-Апарламент Аҳәынҭқарра-зинтә политиказы аилак аҟны адепутатцәа «Аиааира амши Аԥсны Аҳәынҭқарра Ахьыԥшымреи – 2023 шықәса цәыббрамза 30 рзы 30 шықәса рхыҵра азгәаҭара инамаданы амнистиа алаҳәаразы», «Аԥсны Жәлар Реизара-Апарламент «Аиааира амши Аԥсны Аҳәынҭқарра Ахьыԥшымреи – 2023 шықәса цәыббрамза 30 рзы 30 шықәса рхыҵра азгәаҭара инамаданы амнистиа алаҳәаразы» Ақәҵара ахархәаразы аԥҟаразы» ақәҵарақәа рыпроектқәа ирыхәаԥшит.  

Ахцәажәара аихшьалақәа рыла Аилак иаӡбеит абри ақәҵара Аԥсны Жәлар Реизара-Апарламент асессиа аилатәарахь ицәыргазааит ҳәа.