Абҵарамза 12 рзы Аԥсны Жәлар Реизара – Апарламент Аиҳабы Ашәба Лаша, Аиҳабы ихаҭыԥуаҩ    Ашот Миносиан, адепутатцәа Гәдоуҭа араион Лыхны ақыҭан аҭоурыхтә ҭыԥ Лыхнашҭа традициала имҩаԥысуа ҭагалан ныҳәа иаҭааит.

Аныҳәаҿы ицәырган ачыс, ҭагалантәи ашәыр, ауҭраҭых, анапкымҭақәа. «Лыхнашҭа» аныҳәазы ҷыдала иазырхиан аконцерттә программа. Акәашаратәи авокалтәи коллективқәа, аԥсуа естрада ашәаҳәаҩцәа инарыгӡеит аԥсуа шәақәа, акәашарақәа. Иара убас абри аҽны имҩаԥысит амилаҭтә спорттә еиндаҭларақәа, ахыци ахәымпали рыла ахысрақәа рзы аицлабра.