Апарламент адепутатцәа Лаҭатәи атрагедиааан иҭахаз ҳаҭырла иргәаладыршәеит  

Нанҳәамза 14 рзы Гәдоуҭа ақалақь аҟны имҩаԥысит Лаҭатәи атрагедиаан иҭахаз ирызку амемориал аҟны ашәҭшьҭаҵара иазку ацеремониеи 1992–1993 шш. Аԥсны Аџьынџьтәылатә еибашьраҟны иҭахаз ахәыҷқәа Ргәалашәара амш инамаданы алахьеиқәҵаратә митинги.

Аԥсны Жәлар Реизара – Апарламент Аиҳабы Ашәба Лашеи Апарламент адепутатцәеи  Лаҭатәи атрагедиааан иҭахаз ҳаҭырла иргәаладыршәеит.

Алахьеиқәратә усмҩаԥгатә иалахәын иара убас Ахада Ихаҭыԥуаҩ Бадра Гәынба, аԥыза-министр Александр Анқәаб, , Апарламент адепутатцәа, аиҳабыра алахәцәа, аибашьра аветеранцәа, иҭахаз рҭынхацәа, ашколхәыҷқәа, ареспублика араионқәа рыҟнытә ауааԥсыра.