Хәажәкырамза 4 рзы 14 шықәса ҵит Аԥсны Аҳәынҭқарра Актәи Ахада  Арӡынба Владислав Григори- иԥа иԥсҭазаара далҵижьҭеи (1945 – 2010 шш.).

Аԥсны жәлар Реизара – Апарламент Аиҳабы Ашәба Лашеи адепутатцәеи Аԥсны Аҳәынҭқарра Актәи Ахада  Арӡынба Владислав Имемориал аҟны ашәҭқәа шьҭарҵеит.

Ашәҭшьҭаҵара ацеремониа иалахәын Аԥсны Ахада Аслан Бжьаниа, Ахада Ихаҭыԥуаҩ Бадра Гәынба, Аҧсны иҟоу Урыстәылатәи Афедерациа ацҳаражәҳәаҩ  Михаил Шургалин, Алада-Уаҧстәыла Ареспублика ҧасатәи Ахада Едуард Кокоиты, Урыстәылатәи Афедерациа Аҳәынҭқарратә Дума адепутат Константин Затулин, Аҧсны иҟоу Алада . Уаҧстәыла ацҳаражәҳәаҩ Олег Боциев,   Приднестровиатәи Молдавиатәи Ареспублика аофициалтә хаҭарнак Гарри Кәпалба, Аиҳабыра алахәцәа, Аҧсны   Аџьынџьтәылатә еибашьра аветеранцәа, ауаажәларра ахаҭарнакцәа, астудентцәа, ашколхәыҷқәа.