Апарламент Аиҳабы Ашәба Лаша ихантәаҩрала имҩаԥысит Аԥсны Жәлар Реизара – Апарламент асессиа изаамҭанытәиу аилатәара.

Иахәаԥшуп иагьрыдкылоуп аҵыхәтәантәи аԥхьараан «Аԥсны Аҳәынҭқарра 2022-2025 шықәсқәа раан асоциал-економикатә ҿиара апрограмма анагӡара ацхрааразы Аԥсны Аҳәынҭқарреи Урыстәылатәи Афедерациеи рыбжьара  2022 ш. нанҳәамза 4 аҟнытә Аиқәшаҳаҭра аԥсахрақәа ралагаларазы Аԥкаанҵа ашьақәырӷәӷәаразы» Аԥсны Аҳәынҭқарра  Азакәан.
Ажәахәҟаҵаҩ – Жәларбжьаратәии апарламентбжьаратәи еимадарақәеи аџьынџьуаа рымадареи рзы аилак ахантәаҩы Барцыц.

Ирыхәаԥшуп иагьрыдкылоуп Аԥсны Жәлар Реизара – Апарламент ақәҵарақәа:
«2023 шықәсаантәи Аԥсны Аҳәынҭқарраҟны иҟоу Ауаҩы изинқәа рзы Азинмч змоу иусуразы ажәахә азы».
Ажәахәҟаҵаҩ – Аԥсны Аҳәынҭқарраҟны иҟоу Ауаҩы изинқәа рзы Азинмч змоу Анас Қьишмариа.

«Гәылрыԥшь араион Маҷара ақыҭаҟны акоттеџьтә ҳабла аиргыларазы АЕ «Аԥсныргылара» аконтракттә хыдҵақәа ргәаҭара иазку Акомиссиа аԥҵаразы» Аԥсны Жәлар Реизара – Апарламент Ақәҵара аԥсахрақәа ралагаларазы».
Ажәахәҟаҵаҩ – Акультуреи, аҿар русқәеи, аспорти рзы аилак ахантәаҩы ихаҭыԥуаҩ   Нарсоу Салаҟаиа.