Аԥсны Жәлар Реизара – Апарламент Аиҳабы Ашәба Лаша Аԥсны Аҳәынҭқарра Ахада аслан бжьаниа Иира амш идиныҳәалеит.


Ҳаҭыр зқәу Аслан Гьаргь-иԥа!

Аԥсны Жәлар Реизара – Апарламент адепутатцәа рыхьӡала гәык-ԥсык ала ишәыдысныҳәалоит Шәира амш!
Шәара шәыжәҩа иқәуп аҳәынҭқарра ашәарҭадара арӷәӷәара, уи аекономика, асоциалтә усхк рырҿиара, ауаажәларра рыҩныҵҟа аҭынчра, аҳәоуеиқәшәара ашьақәыргылара, аҳәынҭқаррабжьаратә еизыҟазаашьақәа рырӷәӷәара реиԥш иҟоу азҵаарақәа ирыцу аҭакԥхықәра ду.

Ишәзеиӷьаҳшьоит Аԥсны Аҳәынҭқарра аизҳазыӷьара инамаданы шәҿаԥхьа иқәгылоу ауснагӡатәқәа қәҿиарала рыӡбара шәылзыршо агәабзиара, агәамч, ҳтәыла аԥхьаҟатәи аԥеиԥш бзиа агәрагара.

Анасыԥ, ахирра шәыгымзааит шықәсырацәала!