Аԥсны Жәлар Реизара – Апарламент Аиҳабы Ашәба Лаша Аԥсны Аҳәынҭқарра аԥсылманқәа Курбан ныҳәа рыдиныҳәалеит.

Аԥсны аԥсылманцәа Иаку рдоуҳатә усбарҭа ахантәаҩы, амуфти Ҭ. Л. Ӡыба ихьӡала иҟаҵоу адныҳәалараҟны иҳәоуп:


"Ҭемыр Леонид-иԥа!

Аԥсны Жәлар Реизара – Апарламент адепутатцәа рыхьӡала ишәыдысныҳәалоит Кәурбан ныҳәа – аԥсылманцәа рзы аҵак ду змоу аныҳәа ду.  
  
Ари аныҳәа шьақәгылоуп ашәышықәсақәа зхыҵуа арыцҳаибашьара, агәыҳалалра аҵасқәа рыла, ауаҩра, иузааигәоу ихӡыӡаара реиԥш иҟоу аҟазшьақәа раарԥшра иазкуп.  

Аԥсны Аҳәынҭқарра аԥсылманқәа реидгылара ҳуаажәларра иахәҭакны иалоуп, ҳабацәа рҵасқәа реиқәырхара, ҳаамҭазтәи аԥсуа ҳәынҭқарра ашьаҭақәа рырӷәӷәара аус иацхррауеит.  

Аԥсны Аҳәынҭқарра аԥсылманцәа зегьы гәык-ԥсык ала ирзеиӷьасшьоит агәабзиара, ахирра, анасыԥ".