Иахьа Аԥсны Жәлар Реизара – Апарламент Аиҳабы Ашәба Лаша адепутатцәеи Аԥсны Аҳәынҭқарра Абыргцәа рхеилак ахаҭарнакцәа – Абыргцәа рхеилак ахантәаҩы Аполлон Думааи, Ахеилак алахәцәа Леонти Абӷаџьааи, Гәурам Гәымбеи злахәыз аиԥылара  мҩаԥигеит.

Аиԥылара иара убас иалахәын Апарламент Аиҳабы ихаҭыԥуаҩ Фазлыбеи Аҩӡба, Асҭамыр Аршба, Аԥсны Жәлар Реизара – Апарламент Атәылахьчареи амилаҭтә шәарҭадареи рзы аилак ахантәаҩы Ҭемыр Шергьелиа, Аԥсны Жәлар Реизара – Апарламент Аграртә политикеи, аԥсабаратә цхыраагӡақәеи, аекологиеи рзы аилак ахантәаҩы ихаҭыԥуаҩ Демур Гогьиа.

Аиԥылараҟны ирылацәажәеит ауаажәларраҟны иҟоу аҳәоуеиқәымшәарақәеи аилибамкаарақәеи раԥыхразы мҩақәас иҟоу, аԥсуа бызшәа аиқәырхара, адемографиа апроблемақәа ирыдҳәалоу уҳәа актуалра змоу азҵаарақәа жәпакы.  

Адепутатцәеи Абыргцәа рхеилак алахәцәеи ирҳәеит абас еиԥш иҟоу аиԥыларақәа шаҭаху, аԥхьаҟагьы урҭ рымҩаԥгара шаҭаху азгәаҭаны.