Урыстәылатәи Афедерациа Афедералтә Еизара Афедерациа Ахеилак ахантәаҩы Валентина Матвиенко Аԥсны Жәлар Реизара – Апарламент Аиҳабы Ашәба Лаша аҳәынҭқарратә ныҳәа идылныҳәалеит.  

Адныҳәалараҟны иҳәоуп:

«Ҳаҭыр зқәу Лаша Нугзар-иԥа! Шәаргьы Аԥсны Жәлар Реизара – Апарламент адепутаттә корпусгьы ишәыдысныҳәалоит Аиааиреи Ахьыԥшымреи рымш.
Ари ахәынҭқарратә ныҳәа аԥсуа жәлар реидгылара символс иамоуп, асоциал-економикатә ҿиара, атәылахьчареи ашәарҭадареи рырӷәӷәара иадҳәалоу актуалра змоу азҵаарақәа рыӡбараҟны иамоу аихьӡарақәа рныԥшуеит.  
Афедерациа Ахеилак аҟны иазгәарҭоит Урыстәылатәи Афедерациеи Аԥсны Жәлар Реизара – Апарламенти Реиҳабацәа конструктивла, ҳаҭыреиқәҵарала русеицура атәы. Ари ҳтәылақәа реидгыларатә еизыҟазаашьақәа рырӷәӷәара иацхраауеит.  

Ҳаҭыр зқәу Лаша Нугзар-иԥа, Шәаргьы шәколлегацәагьы ишәзеиӷьасшьоит агәабзиара, аихьӡарақәа иазԥхьагәаҭоу аусқәа рыҟны, Аԥсны ауааԥсыра – аҭынчреи аизҳазыӷьареи.  
Ҳаҭырла сшышәзыҟоу агәра жәгарц сҭахуп».