Аԥсны Жәлар Реизара – Апарламент Ахантәаҩы Ашәба Лаша Аԥсны жәлар Қьырса ныҳәа лаша рыдиныҳәалеит.
Адныҳәалараҟны иҳәоуп:
«Ҳаҭыр зқәу ҳауаажәлар! Аԥсны Жәлар Реизара – Апарламент ахьӡала Аԥсны иқәынхо ақьырсиан жәлар зегьы ишәыдысныҳәалоит Қьырса ныҳәа!
Қьырса Аҿыхыҩ иира џьашьахә агәра ҳзырго ныҳәа дуӡӡоуп. Арҭ амшқәа рзы зегьы даҽа аамҭанык еиԥшым ҩныҵҟала гәырӷьарак ҳаимнадоит, арыцҳаибашьара, аидгылара, аҳаҭыреиқәҵареиԥш иҟоу иреиӷьу ауаҩытәҩсатә ҟазшьақәа ҳаидыркылоит.
Акыр иаԥсоу аҩызцәа! Қьырса ныҳәа ҳтәыла иқәынхо ауааԥсыра, ҩнаҭацыԥхьаӡа агәыӷра лаша, аилибакаара, аихаҵгылара, анасыԥ рыгымзааит.
Ҽаанбзиала шәнеиааит».