Аԥсны Жәлар Реизара – Апарламент Ахантәаҩы Ашәба Лашеи Апарламент адепутатцәеи Џьгьарда ақыҭан Аԥсны Аҳәынҭқарра Аҩбатәи Ахада Сергеи Багаԥшь  инышәынҭраҟны ашәҭқәа шьҭарҵеит.

Ашәҭшьҭаҵара аусмҩаԥгатә иалахәын Аԥсны Ахада ин.н. Гәынба Бадра, Ахада Ихаҭыԥуаҩыс иалху Бигәаа Беслан, Аԥыза-министр ин.н. Делба Владимир,  Аԥсны Аҳәынҭқарраҟны иҟоу УА Иҷыдоу Азинмчы змоу Михаил Шургалин, Аԥсны Аҳәынҭқарраҟны иҟоу Алада Уаԥстәыла ацҳаражәҳәаҩ Олег Боциев, официальный представитель Приднестровиатәи Молдавиатәи Ареспублика аофициалтә хаҭарнак Кәпалба Гарри, Аиҳабыра алахәцәа, Аԥсны Аџьынџьтәылатә еибашьра аветеранцәа, ауаажәларра рхаҭарнакцәа.