Аԥсны Жәлар Реизара – Апарламент Ахантәаҩы Ашәба Лаша  Аԥсны Жәлар рпоет, Адыгеиа Ареспубликеи Ҟабарда-Балҟариатәи Ареспубликеи Жәлар рпоет, аҳәынҭқарратәи ауаажәларратәи усзуҩы Баграт Уасил-иԥа Шьынқәба ибаҟа амҵан ашәҭшьҭаҵара иазкыз аусмҩаԥгатә далахәын.

Ашәҟәыҩҩы ҳаҭырла игәаларшәаразы иааит Ахада Ихаҭыԥуаҩ Бигәаа Беслан, Аԥыза-министр Делба Владимир, Ахада Иадминистрациа Анапхгаҩы Ешба Беслан, Аиҳабыра ахаҭарнакцәа, ауаажәларра, аҭҵаарадырратәи арҿиаратәи интеллигенциа, апоет иҭынхацәа, ашколхәыҷқәа.