Аԥсны Жәлар Реизара – Апарламент Ахантәаҩы Ашәба Лаша амедицинатә усзуҩцәа
рзанааҭтә ныҳәа рыдиныҳәалеит:

«Аԥсны Жәлар Реизара – Апарламент ахьӡала ишәыдысныҳәалоит Амедицинатә сзуҩы имш!
Шәара ауаҩы ибзиабара, хамеигӡарада аус азыҟазаара аҭахра зцу азанааҭ шәнапы
алакуп. Амедицинатә усзуҩцәа рнапы иануп атәылазы аҭакԥхыкәра ду, аҵак дуӡӡа змоу аус – ажәлар ргәабзиара. Шәара есҽны ауаа ргәабзиара ахьӡала имҩаԥыжәго аусура иабзоураны урҭ ирышәҭоит агәыӷра уаҵәтәи амш азы. Аепидимиологиатә шәарҭара ӷәӷәаны ианыҟаз 1992–1993 шш. Аԥсны Аџьынџьтәылатә еибашьра аамҭа хьанҭақәа раан Аԥсны Аҳәынҭқарра амедицинатә усзуҩцәа хыԥхьаӡара рацәала ауаа еиқәырхо, иаадырԥшит апрофессионализм ду.
Ишәымоу азанааҭ адырра, аҟазара ду бзиараны, ҳаҭырқәҵараны ишәԥылааит.
Ишәзеиӷьасшьоит агәабзиара, ахирра, аихьӡарақәа шәнапы злаку аус ду аҿы».