Р.Гәымба ихьӡ зху Аҳәынҭқарратә филармониаҟны имҩаԥысит Аԥсны Аҳәынҭқарра ашколқәа раушьҭымҭацәа ахьтәи араӡни медалқәа рыҭара иазкыз аусмҩаԥгатә.

Аушьҭымҭацәа рыдныҳәаларазы иааит Апарламент Ахантәаҩы Ашәба Лашеи адепутатцәеи.

Сынтәа ахьтәы медал ранашьоуп хҩык аушьҭымҭацәа: Аҩӡба Анна Алиас-иԥҳа, Бжьаниа Наала Вадим-иԥҳа, Быҭәба Алиса Беслан-иԥҳа.

Аҵара аминистр Гәынба Хана урҭ ахьтәы медалқәа рнапы иалыркит. Аԥсны Аҳәынҭқарра Ахада  Гәынба Бадра аушьҭымҭацәа дрыдныҳәалеит, ҳамҭас ириҭеит аԥаратә сертификатқәа.

Аҵара аминистрра аԥшьгарала еиуеиԥшым амзызқәа ирыхҟьаны ианаамҭаз амедалқәа змауыз 2002 – 2006 шықәсқәа раушьҭымҭацәа иахьа ахьтәи араӡни медалқәа ранаршьеит Апарламент Ахантәаҩы Ашәба Лашеи Аԥыза-министр Владимир Делбеи.

Аныҳәатә хәылԥазы хыркәшан концертла.