Аԥсны Жәлар Реизара – Апарламент Ахантәаҩы                                                                        Ашәба Лаша Аԥсны жәлар Аԥсны Аҳәынҭқарра ахьыԥшымра азхаҵара амш рыдиныҳәалеит.


Ҳаҭыр зқәу ҳауаажәлар!


Аԥсны Жәлар Реизара – Апарламент ахьӡала ишәыдысныҳәалоит аҵак ду змоу аҳәынҭқарратә ныҳәақәа ируаку – Аԥсны Аҳәынҭқарра ахьыԥшымра азхаҵара амш.

2008 шықәса нанҳәамза –     ҳҳәынҭқарра ашьақәгылараҟны иҿыцу аамҭа символра азызуа акрызҵазкуа ҭоурыхтә рыцхәуп. Урыстәылатәи Афедерациа аганахьала Ареспублика ахақәиҭра азхаҵара иабзоураны уи аԥхьаҟа иҭышәынтәаланы аҿиаразы алшара аиуит.  
Абри ахҭыс ахь ҳназгоз амҩаҟны Аԥсны Аҳәынҭқарра аԥышәара дуқәа ирхысит, атәылауаа рхы иақәиҭны, ҭынч анхаразы ирымаз азин ахьчаразы аибашьраҟны аиааира агарагьы алшеит.

Иахьа Аԥсны Аҳәынҭқарра асоциал-економикатә еиҭакрақәа рымҩаԥгара амҩа иануп, имҩаԥысуеит жәларбжьаратәи аренаҟны апозициақәа рырӷәӷәара.

Ҳара гәык-ԥсык ала Урыстәылатәи Афедерациа Ахада Владимир Владимир-иԥа Путин, Урыстәыла  анапхгара, ажәлар иҭабуп ҳәа раҳҳәоит арҭ ашықәсқәа зегьы инеиԥынкыланы Аԥсны Аҳәынҭқарра иаиуа ганрацәалатәи ацхырааразы. Урыстәыла стратегиатә партниорс иҳамоу, аиашьара, аиҩызара ҳзызуа тәылоуп, уи иабзоуроуп еицакра змам ашәарҭадареи аизҳазыӷьареи.

Ари амш азы ҳара еиҭаҳгәаланаршәоит аԥеиԥш аҿаԥхьа наҟ-ааҟ иҳаду аҭакԥхықәра атәы.   Ҳреспублика аӷәӷәахаразы, аизҳазыӷьаразы дасу иҳалшо ҟаҳҵароуп, зегьы аӡәк еиԥш ҳаидгылазароуп. Иуадаҩыз ашықәсқәа раан ҳаидызкылаз акреи, аҭынчреи, аҿиареи ахь иҳамаз агәазыҳәара иахьагьы ҳамҩақәызҵо акәны иҟалааит.  

Акыр иаԥсоу ҳауаажәлар, ишәзеиӷьасшьоит агәабзиара, аҭынчра, аԥеиԥш бзиа агәрагара.