Цәыббрамза 16 рзы имҩаԥысит Аԥсны  Жәлар Реизара – Апарламент Ахантәаҩы Ашәба Лашеи Аҩада-Кавказтәи афедералтә университет (АКАУ) аректор ин.н. Татиана Шебзуховеи, ауниверситет адоцент Максим Трофимови реиԥылара.

Ашәба Лаша асасцәа аԥсшәа раҳәо, иҭабуп ахиҳәааит ауниверситет аԥснытәи аколлегацәа алархәны имҩанарго аусуразы, иара убас иазгәеиҭеит аԥхьаҟатәи аусеицура дшазхиоу.

Аиԥылараан ирылацәажәеит аҵареи аҭҵаарадырреи русхк аҟны актуалра злоу азҵаарақәа.

Аиԥылара иалахәын Апарламент Аппарат Анапхгаҩы Бжьаниа Вадими Аҧсны Жәлар Реизара – Апарламент Акультуреи, аҿар русқәеи, аспорти рзы аилак ахантәаҩы Бебиа Венори.